Pourquo "Copés In Deux"?

Pourquo qu'in s'appelle "Les Copés In deux"? Vous vous d'mindez certainmint!!
Tout simplemint parc'qu'in est tertous originaire de Wattrelos. Et les gins d'Wattrelos, in les appelle amical'mint "Les Copés in Deux". Wattrelos ch'est inne belle pétite ville à l'frontire belge, intre Tourcheu (Toucrcoing), Roubaix et Mouscron.
Vous d'mindrez égalmint pourquo que les wattrelosiens, in les appelle comme cha! Pour réponte simplemint, y'a deux explications pour ec'patronyme.
L'premire, cha s'rot plutôt in légente mais i paraitrôt qu'y a d'cha un bout d'timps. I'a un bonhomme, qu'in va appeler Alfred, qui sortot du bistrot situé juste à côté de l'line de quémin dfer. Et c'pauf' Alfred étot djà à monti bouli des quat' pattes. Et in passant l'barrire de sécurité, qui protèche des accidints qui pourrotent arriver, i'a un train qui passot juste au même momint et deux s'contes après,i'avot deux Alfred. La monti d'sin corps étot in Belgique et l'aute monti in France, à Wattrelos. Cha ch'est l'premire explication, qui est un peu dur à avaler, ch'est vrai.
Ensuite l'deuxime explication, ch'est que c'nom là vindrot du fait que les Wattrelosiens comme les Roubaignots travaillotent gramint dins le textile. Et gramint d'gins avotent leu prope méti à tisser chez eux. Et tchand qui voulotent faire inne pétite pause pour fumer, i s'mettotent à leu' porte qui étot copé in deux morcheaux, in deux battants. In pouvot donc ouvrir le bas ou le haut de l'porte. Alors tchand qu'in étot dins l'rue, in veyot gramint d'gins à leu porte et in avot l'impression qui s'étotent copé in deux. Voilà pour l'explication qui reste el' plus probab' mais avouons que l'premire est tout d'même el'plus rigolote à raconter.

Comments

[espace vie cancer]

Nous sommes des malades atteints du cancer et nous avons créé une association sur Fourmies
nous aimerions vous contacté pour faire sauter les verrous du tabou du cancer
pouvez nous contacter
merci de nous aider

[Les Copés In Deux]

Bonjour, 


Nous avons eu notre message, nous avions eu un petit problème avec notre blog et nous n'y sommes pas aller pendant plusieurs mois. J'aimerais si possible, que vous nous envoyiez un numéro de
téléphone au numéro suivant: 0633040408. Il est tout de même plus facile de communiquer de "vive voix" avec une personne et surout plus humain. Nous n'avons été qu'à moitié surpris par votre
message, puisque nous faisons déjà un spectacle sur la test hémocculte et le cancer colorectal


Nous sommes ravis que vous ayez pensé à nous et attendons vos coordonnées avec impatience.


Bien à vous, Les copés In deux.